Xalıq deputatları Moynaq rayonlıq Keńesine, ÓzXDPnan deputat U.Urinbaeva rayonda bos jumıs orınları menen tanısıw, sonday-aq xalıqtıń bántligin támiyinlew máselelerin úyreniw maqsetinde rayonlıq Kámbaǵallıqtı qısqartıw hám bántlikke kómeklesiw bóliminde boldı.

Úyreniw dawamında bólim tárepinen usınılatın bos jumıs orınları, olardıń sanı, tarawlar kesimindegi bóliniwi hám jumısqa jaylastırıw boyınsha alıp barılıp atırǵan jumıslar menen jaqınnan tanısıldı. Sonday-aq jumıs izlep júrgen azamatlardı jumıs penen qamtıw, olardıń kásiplik dárejesin asırıw, qayta oqıtıw hám kásip úyretip, turmıs dárejesin jaqsılaw boyınsha alıp barılıp atırǵan islerge bahalandı.

Úyreniw juwmaǵında barlıq anıqlanǵan máseleler boyınsha tiyisli usınıslar berilip, xalıqtıń bántligin támiyinlew, jańa jumıs orınların jaratıw hám kámbaǵallıqtı qısqartıw boyınsha jumıslardı jánede kúsheytiw kerek ekenligi belgilep ótildi.