Xalq deputatlari shahar Kengashining 13-“Farg‘ona” saylov okrugidan saylangan O‘zLiDeP deputati N.Uralova tomonidan O‘zbekiston Respublikasi Prezidentining 2023-yil 21-dekabrdagi PF-209-sonli farmoni ijrosini ta’minlash doirasida “Metallurg” MFY hududida faoliyat yuritayotgan xotin-qizlar faoli faoliyati o‘rganildi. Mazkur o‘rganish jarayonida hududda istiqomat qilayotgan
xotin-qizlarning ijtimoiy-iqtisodiy holati, mavjud muammolari, ehtiyoj va takliflari atroflicha tahlil qilindi. Olib borilgan tahlillar natijasida 2026-yil uchun jami 196 nafar xotin-qiz “Ayollar daftari”ga kiritilgani aniqlanib, ular toifalar kesimida quyidagicha taqsimlangani qayd etildi: 1-toifa — 136 nafar, 2-toifa — 8 nafar, 3-toifa — 40 nafar hamda 5-toifa — 12 nafarni tashkil etadi. Shu bilan birga, o‘rganish davomida hududda 2 nafar ayol probatsiya hisobida turgani ham aniqlanib, ular bilan individual ishlash,
ijtimoiy qo‘llab-quvvatlash va bandligini ta’minlash yuzasidan tegishli choralar belgilab olindi.