Халқ депутатлари Янгиқўрғон туман Кенгаши депутати Тошпўлатов Олимжон Юлдашевич томонидан сайлов округида жойлашган Баркамол кўчасида амалга оширилаётган йўл қурилиш ишлари ўрганилди.

Мазкур ҳудудда “Қишлоқ инфратузилмасини ривожлантириш” дастури доирасида Жаҳон банки лойиҳаси асосида умумий узунлиги 2,7 километр бўлган йўлни асфальтлаш ишларини амалга ошириш белгиланган бўлиб, лойиҳа учун 997 миллион сўм маблағ ажратилган.

📌 Ўрганиш жараёнида айни вақтда йўлни асфальтлашга тайёрлаш мақсадида шағаллаш ишлари олиб борилаётгани маълум қилинди. Шунингдек, қурилиш ишларининг сифати, белгиланган муддатларда бажарилиши ҳамда аҳоли учун қулай ва хавфсиз инфратузилма яратиш масалаларига алоҳида эътибор қаратилди.

🚧 Депутат томонидан масъулларга ишлар сифатли ва ўз вақтида якунланиши, қурилиш жараёнларида белгиланган техник талабларга қатъий риоя этилиши юзасидан тегишли тавсия ва таклифлар билдирилди.

✅ Мазкур лойиҳа ҳудуд аҳолиси учун транспорт ҳаракатини енгиллаштириш, ички кўчалар инфратузилмасини яхшилаш, аҳолига янада қулай шароитлар яратиш ҳамда маҳалланинг обод қиёфасини таъминлашга хизмат қилади.

Slide 1 of 3