Xalq deputatlari Bekobod shahar kengashining 1-“Yangihayot” saylov okrugining deputati U.Abdunazarov tomonidan ushbu mahalladagi 18-sonli umumta’lim maktabida sport zallari va ulardagi sport anjomlari mavjudligi holati o‘rganildi. O‘rganish
jarayonida maktab direktori N.Raxmonov va maktab mas’ullari ishtirok etdi. Ushbu maktab mahalla hududida 2018-yil qurilib foydalanishga topshirilgan bo‘lib, bugungi kunda 386 nafar o‘quvchilar ta’lim olib kelmoqda. Maktabda ichki sport zali 19 x 9
kv.m hamda tashqarida futbol maydoni va basketbol maydonchasi faoliyat olib bormoqda. Sport anjomlari bilan yetarli miqdorda ta’minlangan. Biroq, yopiq sport zali maydoni bir necha yillar davomida foydalanish natijasida pol qismi talab darajasida emas
holatga kelib qolgan va kapital ta’mirlashga muhtoj. Shuningdek, sport zalini yorituvchi chiroqlar himoya vositalari bilan o‘ralmagan, sport zalida basketbol sport turi bilan shug‘ullanish uchun setkasi o‘rnatilmagan. Ushbu holat maktab o‘quvchilari va o‘qituvchilari bilan bo‘lb o‘tgan suhbatda haqli etirozlarga sabab bo‘ldi. Ushbu muammolarni hal etish yuzasidan shahar Mktabgacha va maktab ta’limi bo‘limiga deputatlik so‘rovi bilan chiqish hamda ijrosini kengash qoshidagi doimiy komissiya
tomonidan olib borilishi belgilanib olindi.