Xalq deputatlari viloyat Kengashi deputati F.Sa'dullayeva hamda Urganch shahar Kengashi raisi P.Ro'ziboyevlar tomonidan Urganch shahar "Olimpiya" mahallasida istiqomat qiluvchi, muqaddam odam savdosi bilan shug'ullanganligi uchun sud hukmi bilan ozodlikdan cheklash jazosi tayinlangan fuqaro bilan profilaktik suhbat o‘tkazildi.

Uchrashuvdan ko‘zlangan asosiy maqsad — jazo muddatini o‘tayotgan fuqaroning qayta jinoyat ko‘chasiga kirmasligi hamda uning ijtimoiy moslashuviga ko‘maklashishdir. Suhbat davomida fuqaroning bandligini
ta’minlash masalasiga alohida e’tibor qaratilib, unga bir nechta daromadli ish o‘rinlari taklif etildi:

 · Markaziy dehqon bozoridan savdo qilish uchun rasta ajratish; 

· "Feruz Xorazm" MCHJda 3 000 000 so‘m maoshli ish; 

· "Urganch Bahmal Group" MCHJda 3 000 000 so‘m maoshli ish; 

· "UzTEX" MCHJ korxonasida 4 000 000 so‘m ish haqi taklif qilindi.