Xalq deputatlari Oltinsoy tuman Kengashining 19-“Xidirosh” saylov okrugidan saylangan deputati Qurbaniyazov Yusup Xolmuminovich tashabbusi bilan “Xidirsho” mahallasida amalga oshirilayotgan obodonlashtirish ishlari deputatlik nazorati tartibida o‘rganildi.

Jumladan, “Fuqarolar tashabbusi” loyihasi doirasida g‘olib deb topilgan mazkur mahalladagi bir qator ichki ko‘chalarda asfaltlash ishlari to‘liq yakunlandi. Amalga oshirilgan ishlar natijasida hudud infratuzilmasi yaxshilanib, aholi uchun qulay harakatlanish sharoitlari yaratildi.

Shuningdek, yo‘llardan foydalanish qulayligi va xavfsizligini yanada oshirish maqsadida, tegishli tashkilotlar hamda mahalla aholisining homiylik mablag‘lari hisobidan asfalt qilingan ko‘chalarning ikki tomonini kengaytirish va betonlash ishlari tashkil etildi.

✍️Oltinsoy tumani Kengash Kotibiyati Axborot xizmati