Oltinsoy tumanida aholi bandligini ta’minlash, ayniqsa xotin-qizlarni ish bilan ta’minlash borasida amalga oshirilayotgan ishlar doirasida “Barkamol avlod” mahallasida istiqomat qiluvchi tadbirkor va hunarmand fuqaro Melieva Zulfiya faoliyati o‘rganildi. 

Mazkur tadbirkor tomonidan mahalladagi ishsiz xotin-qizlar birlashtirilib, kasanachilik asosida ularning bandligi ta’minlanmoqda. Hozirgi kunda 20
nafardan ortiq xotin-qizlar doimiy ish bilan ta’minlanib, ular uchun barqaror daromad manbai yaratilgan. 

O‘rganish jarayonida Oltinsoy tuman hokimi Otabek Mavlyanov, Xalq deputatlari tuman Kengash deputati Choriyeva Nargiza Abdug‘afforovna, tuman prokurori R. Turdiyev hamda tuman IIB boshlig‘i D. Qurbonovlar ishtirok etib, xonadonda yaratilgan sharoitlar va olib borilayotgan faoliyat bilan yaqindan tanishdilar. 

Mas’ullar tomonidan mazkur tashabbus ijobiy baholanib, faoliyatni yanada kengaytirish, ish o‘rinlari sonini oshirish hamda hunarmandchilikni qo‘llab-quvvatlash yuzasidan tegishli tavsiyalar berildi. 

Oltinsoy tumani Kengashi Kotibiyati Axborot xizmati