#Sessiya_qarori

✍️Payariq tumanida 2026-yilning I choragi davomida huquqbuzarliklarni oldini olish va ularning profilaktikasi holati yuzasidan amalga oshirilgan ishlar bo‘yicha Kengash qarori qabul qilindi

🔼Xalq deputatlari Payariq tumani Kengashining 2026-yil 30-aprel VII-26-55-7-100-K/26 (https://kengash.gov.uz/doc/275058)-sonli qarori bilan Payariq tumanida huquqbuzarliklarni oldini olish va ularning profilaktikasi holatini kuchaytirish bo‘yicha yangi vazifalar belgilandi.

📈Mazkur qaror bilan tegishli masullarga quyidagi vazifalar yuklatildi.

-tumandagi mahallalarda kriminogen vaziyatni barqarorlashtirish, “qizil” va “sariq” toifadagi mahallalar sonini qisqartirish maqsadida manzilli “yo‘l xaritasi” ishlab chiqish va ijrosi ustidan qat’iy nazorat o‘rnatish; 

-oldini olish mumkin bo‘lgan jinoyatlar sodir etilgan 17 ta mahallada jinoyatchilik sabab va sharoitlari chuqur tahlil qilinib, profilaktik tadbirlarni kuchaytirish;

-fuqarolarning mol-mulkiga beparvoligi oqibatida sodir etilayotgan o‘g‘irlik jinoyatlarining oldini olish maqsadida aholi o‘rtasida targ‘ibot ishlari kuchaytirish, uy-joy va savdo obyektlarini qo‘riqlash vositalari bilan jihozlash choralarini ko‘rish; 

-kiberjinoyatlar keskin oshganligini inobatga olib, aholining raqamli savodxonligini oshirish, internet firibgarligi va bank karta bilan bog‘liq jinoyatlar bo‘yicha keng tushuntirish ishlari olib borish hamda profilaktik monitoring kuchaytirish;

-yo‘l-transport hodisalari, ayniqsa o‘lim bilan bog‘liq holatlarning oldini olish maqsadida yo‘l harakati xavfsizligi bo‘yicha qo‘shimcha texnik va tashkiliy choralar ko‘rish, xavfli hududlarda nazoratni kuchaytirish; 

-giyohvandlik bilan bog‘liq jinoyatlarning ortib borayotganligini inobatga olib, noqonuniy muomalaga qarshi tezkor-profilaktik tadbirlarini davom ettirish, yoshlar orasida sog‘lom turmush tarzini targ‘ib etish ishlarini kuchaytirish. 

🔰Bizni ijtimoiy tarmoqlarda kuzating:

Telegram (https://t.me/Payariqkengashkotibiyati) | Veb-Sayt| (https://kengash.gov.uz/news?region_id=7&authority_id=377) Facebook (https://www.facebook.com/share/1CUpgvKLYL/)|instagram (https://www.instagram.com/xalq_deputatlari_kengash/)