🇺🇿 Xalq deputatlari Uchtepa tumani Kengashining "7-Beshqayrag'och" saylov okrugi deputati Xaydarova Ziyoda Tolipovna tomonidan Uchtepa tumani hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari O.Raxmonberdiyevga deputatlik so'rovi chiqarildi. 

  ⚠️ Ushbu deputatlik so'rovida quyidagi asosiy masalalar so'raldi:

  ✍️ tumanda kitobxonlik madaniyatini rivojlantirish bo‘yicha amalga oshirilayotgan ishlar holati;

  ✍️ ta’lim muassasalari va tashkilotlarda “Kitob burchagi” hamda “kitob o‘qish soati” joriy etilishi;

  ✍️ mahallalarda kutubxonalar tashkil etish va ularni boyitish bo‘yicha bajarilgan ishlar;

  ✍️ yoshlar o‘rtasida kitobxonlikni oshirishga qaratilgan tadbirlar natijalari;

  ✍️ shu bilan birga, “kitob o‘qish soati” doirasida o‘tkaziladigan idoraviy tadbirlarni samarali tashkil etish maqsadida ularni tuman Axborot-kutubxona markazi bilan hamkorlikda o‘tkazish hamda mazkur jarayonni ushbu markazga muvofiqlashtirish uchun yo‘naltirish yuzasidan taklif kiritish yuzasidan belgilangan muddatda yozma ravishda asosli javob yuborish so'ralmoqda.

 🗣 Deputatlik so‘rovida ko‘tarilgan masala yuzasidan o‘rganish natijalari hamda amalga oshiriladigan ishlar bo‘yicha 10 kun muddatda asoslantirilgan ma’lumot taqdim etish talabi qo‘yilgan. Mazkur masala deputat tomonidan nazoratga olingan.