Xalq deputatlari Paxtakor tumani Kengashi 11-Muqimiy saylov okrugi deputati Z. Shodmonov Bog‘ishamol mahallasida bo‘lib, hududdagi aholi murojaatlarini o‘rgandi.

Deputat yo‘llar ta’miri, ichimlik suvi ta’minoti, elektr energiyasi va boshqa masalalarga oid murojaatlar bo'yicha o'rganish olib bordi. Har bir murojaat atroflicha o‘rganilib, ularni ijobiy hal etish yuzasidan tegishli tashkilotlar bilan hamkorlikda choralar ko‘rish belgilab olindi.

Shuningdek, deputat tomonidan mahalladagi tomorqa yerlarining holati ham ko‘zdan kechirildi. Aholining tomorqalardan samarali foydalanishi, ekin maydonlarini kengaytirish, hosildorlikni oshirish hamda oziq-ovqat xavfsizligini ta’minlash borasida tavsiyalar berildi.