Xalq deputatlari Chilonzor tumani Kengashining 2025-yil 7-noyabrdagi III-13-88-14-204-K/25-sonli qarori bilan, Chilonzor tumani mahalliy budjetining 2025-yil uchinchi chorak daromadlar rejasining orttirib bajarilgan qismi hisobidan tuman Obodonlashtirish boshqarmasiga mablag‘ ajratilib, belgilangan vazifalar bosqichma-bosqich amalga oshirilmoqda.

Mazkur qarorning ijrosi doirasida, 21-Xirmontepa saylov okrugi deputati Mavlonov Azam Qarshiyevich tashabbusi bilan qarorga kiritilgan hudud -Xirmontepa MFY binosi oldi hamda 45-uy atrofini tartibga keltirish bo‘yicha belgilangan vazifalar ijrosi to‘liq ta’minlandi.

Mazkur loyiha doirasida umumiy maydoni 1 000 m² bo‘lgan hududda obodonlashtirish ishlari olib borildi. Ushbu ishlarni amalga oshirish uchun jami 110 000,0 ming so‘m mablag‘ yo‘naltirildi.

️Loyiha O‘zbekiston Respublikasining amaldagi qonunchilik hujjatlari, jumladan, “Mahalliy davlat hokimiyati to‘g‘risida”gi Qonun hamda Budjet Kodeksi asosida, shuningdek, tegishli qarorlar va deputatlar tomonidan bildirilgan takliflarga muvofiq moliyalashtirildi.

 Bugungi kunda mazkur hududda belgilangan ishlar yakuniga yetkazilib, aholiga qulay va obod muhit yaratildi.

️Chilonzor tumani hududini yanada obod qilish borasidagi ishlar izchil davom ettiriladi.