“Lutfiy” mahallasida okrug deputati R.R. Xidiyatulina tashabbusi bilan MFY xodimlari ,hududda kommunal xizmatlar faoliyatini olib borayotgan “Maxsustrans” inspektori K. Islamova hamda MFY boshqaruv servis kompaniyasi buxgalteri K. Ismoilova ishtirokida davra suhbati tashkil etildi.

Davra suhbati davomida quyidagi masalalar muhokama qilindi:⬇️

Chiqindilarni olib chiqish va hududni tozalash ishlari:

Maishiy chiqindilarni olib chiqishning amaldagi jadvali va hajmi tahlil qilinib, ayrim ko‘chalarda chiqindi konteynerlari yetishmasligi qayd etildi. Mazkur muammoni bartaraf etish maqsadida hududiy grafikni qayta ko‘rib chiqish hamda qo‘shimcha konteynerlar o‘rnatish zarurligi yuzasidan tushuntirishlar berildi.

Hisob-kitob va to‘lovlar masalasi:

MFY boshqaruv servis kompaniyasi buxgalteri tomonidan xizmatlar narxi, hisob-fakturalarni rasmiylashtirish va hisobga olish tizimi bo‘yicha batafsil ma’lumot berildi. 

Shuningdek, ayrim fuqarolar orasida to‘lovlar bilan bog‘liq norasmiylik yoki aniqlik yetishmasligi yuzasidan shubhalar mavjudligi bildirildi.

 Shu munosabat bilan hisob-kitoblarning shaffofligini ta’minlash maqsadida tegishli hujjatlar, jumladan arxiv ma’lumotlari va to‘liq moliyaviy hisobotlarni taqdim etish vazifasi belgilandi.