Халқ депутатлари Конимех туман Кенгаши раиси, депутат Азамат Худайбердиев бугун Маҳаллий Кенгаш депутатлари фаолиятининг устувор йўналишлари бўйича ишлаб чиқилган 24 та тавсия асосида аҳоли бандлигини таъминлаш, ишсизлар, алимент тўловчи ҳамда пробация назорати остидаги фуқароларни қўллаб-қувватлаш мақсадида ўтказилган “Меҳнат ярмаркаси”да фаол иштирок этди.

Тадбирда Камбағалликни қисқартириш ва бандлик бошқармаси бошлиғи Л. Хайруллаев, Конимех туман ҳокимининг биринчи ўринбосари Э. Ҳазратқулов, шунингдек, Халқ депутатлари Конимех туман Кенгашининг “Ёшлар гуруҳи” аъзолари ҳам қатнашиб, иш қидираётган фуқароларга мавжуд бўш иш ўринлари, касбга ўқитиш ва тадбиркорликни ривожлантириш имкониятлари юзасидан тушунтиришлар бердилар.

Ярмарка давомида аҳолининг турли қатламларини иш билан таъминлаш, уларнинг даромад манбаларини кенгайтириш ҳамда ижтимоий ҳимояга муҳтож фуқароларни қўллаб-қувватлаш борасида амалий ишлар олиб борилди.