Халқ депутатлари Конимех туман Кенгаши депутати Қанағат Досмирзаева ўзи сайланган олис чўл ҳудудида жойлашган “Учтепа” ОФЙда ҳафтасига бир кун ташкил этиладиган бозор куни аҳоли учун муҳим ижтимоий-иқтисодий аҳамиятга эга эканини таъкидлади. Шу муносабат билан у “Бозорлардаги аҳоли истеъмоли учун энг зарур маҳсулотлар нарх-навоси, маҳсулотларнинг етарлилиги” масалалари бўйича ўрганиш ўтказди.

🟢Ўрганиш жараёнида депутат томонидан озиқ-овқат маҳсулотлари — ун, ёғ, гўшт, сабзавот ва бошқа кундалик эҳтиёж товарларининг нархлари таҳлил қилинди. Шунингдек, маҳсулотлар захирасига алоҳида эътибор қаратилди.

Суҳбатлар давомида маҳаллий аҳоли ва тадбиркорлар томонидан, маҳсулотлар турини кўпайтириш ҳамда нархлар барқарорлигини таъминлаш бўйича таклифлар билдирилиб, фуқароларнинг ҳуқуқ ва манфаатларини таъминлаш, хизмат кўрсатиш жараёнларини янада соддалаштириш бўйича таклифлар илгари сурилди.