Халқ депутатлари Конимех туман Кенгаши депутати Батирхан Қушкарбеков 2026 йил 28 апрель куни ўзи сайланган округида бепул бериладиган дорилар билан таъминлаш ҳолати бўйича ўрганиш олиб борди.

Туман марказидан узоқ, чўл ҳудудида жойлашган ушбу округда аҳолининг тиббий хизмат ва дориларга бўлган эҳтиёжи, уларнинг узлуксиз таъминланиши, шунингдек, бирламчи тиббий бўғинда мавжуд имкониятлар ва юзага келаётган муаммолар ҳолати ўрганилди.

 Ўрганиш якунлари бўйича аниқланган камчиликларни бартараф этиш ҳамда дорилар таъминоти тизимини янада яхшилаш юзасидан масъул ташкилотларга амалий чоралар кўриш бўйича таклифлар киритиш белгиланди.

Ушбу каби ўрганишлар аҳоли, хусусан, олис ҳудудларда яшовчи фуқароларнинг ижтимоий ҳимоясини кучайтириш ва соғлиқни сақлаш тизимининг самарадорлигини оширишга хизмат қилиши таъкидланди.