Deputatlar ta’lim jarayonlari va yaratilgan sharoitlar bilan tanishdi

Oliy Majlis Qonunchilik palatasi deputati Go‘zal Samieva hamda Xalq deputatlari Sariosiyo tuman Kengashi deputati S.Qosimov tumanning “Tortuli” mahallasida joylashgan 24-sonli umumta’lim maktabi faoliyati, ta’lim sifati va yaratilgan shart-sharoitlar bilan tanishdi.

Tashrif davomida qonunchilikdagi yangiliklar, “O‘zbekiston — 2030” strategiyasi doirasida amalga oshirilayotgan islohotlar haqida ma’lumotlar berildi.

Ochiq muloqot jarayonida ta’lim tizimini zamon talablari asosida rivojlantirish, o‘qituvchi va murabbiylarning jamiyatdagi o‘rni va nufuzini yanada oshirish borasidagi ishlar muhokama qilindi.

Shuningdek, mahalla faollari va pedagoglarning taklif va murojaatlari tinglanib, berilgan savollarga batafsil javoblar berildi.