Xalq deputatlari tuman Kengashi deputatlari hamda xalq deputatlari tuman Kengashi huzuridagi tashkil etilgan “Ekspertlar guruhi” tomonidan “mahalla yettiligi” faoliyati va murojaatlar bilan ishlash tizimi o‘rganildi

Xalq deputatlari Sariosiyo tumani Kengashiga “20-So‘fiyon” saylov okrugidan saylangan deputat Mirzaev To‘lqin Temirovich, xalq deputatlari tuman Kengashi huzuridagi “Ekspertlar guruhi” a’zolari S.Qosimov, M.Normo‘minova hamda xalq deputatlari tuman Kengashi kotibiyati bosh mutaxassisi, tuman Kengashi deputati N.Xamdamovalar tomonidan joylarda o‘rganish ishlari olib borildi.

Jumladan, Sariosiyo tumani “Shirin” mahalla fuqarolari yig‘inlarida faoliyat yuritayotgan “mahalla yettiligi” ish faoliyati, ayniqsa fuqarolar murojaatlari bilan ishlash holati atroflicha o‘rganildi. O‘rganish davomida mahallalarda aholining murojaatlarini qabul qilish, ularni ro‘yxatga olish va muammolarni hal etish bo‘yicha amalga oshirilayotgan ishlar ko‘zdan kechirildi.

🫥Shuningdek, fuqarolarning ijtimoiy muammolarini o‘z vaqtida aniqlash, murojaatlarni tizimli ravishda ko‘rib chiqish hamda ularning yechimi yuzasidan tegishli tashkilotlar bilan hamkorlikni kuchaytirish bo‘yicha tavsiyalar berildi.