“O‘zbekiston Respublikasi Oliy Majlisi Senatining 2026-yil birinchi yarim yilligiga mo‘ljallangan ish rejasi ijrosi to‘g‘risida”gi KQ-291-V-sonli qarori ijrosini ta’minlash maqsadida 2026-yil 30-aprel kuni Xalq deputatlari Toshkent shahar Kengashi kotibiyati mudiri Ravshanbekov Davronbek Ravshanbekovich Xalq deputatlari Mirzo Ulug‘bek tumani Kengashi kotibiyati faoliyati bilan yaqindan tanishdi.

Xususan, kotibiyat tomonidan ish jarayonidagi hujjatlarni yuritish, qarorlar va bayonnomalarni belgilangan tartibda rasmiylashtirish hamda Kengash deputatlarining hududlardagi faoliyatining tashkiliy jarayonlariga kotibiyat tomonidan yaqindan amaliy yordam berish borasida amalga oshirilayotgan ishlar o‘rganilib, tuman Kengashining yillik ish rejasida belgilangan vazifalarning ijrosi yuzasidan qo‘shimcha tushuntirishlar berildi.  

Shuningdek, D.Ravshanbekov Mirzo Ulug‘bek tumanida faoliyat boshlagan vaziyatlar tahlil markazida bo‘ldi.