#Doimiy_komissiya_faoliyati 

#Kotibiyat_mudiri_faoliyati 

#Sessiya_qarori_ijrosi 

Sessiya qarori bilan ajratilgan mablag‘larning maqsadli sarflanishi yuzasidan deputatlik nazorati olib borildi.

Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya raisi A.Maxammatov hamda Xalq deputatlari tuman Kengashi kotibiyati mudiri J.Axunovlar tomonidan Xalq deputatlari Payariq tumani Kengashining 2026-yil 16-apreldagi “Infratuzilma va ijtimoiy barqarorlik jamg‘armasi” mablag‘laridan foydalanish to‘g‘risidagi VII-25-43-7-100-K/26-sonli qarori ijrosi Qirqovul va Darvishiq mahallalarida o‘rganildi.

Mazkur qarorga asosan jamg‘arma mablag‘lari hisobidan tumandagi 14 nafar birinchi guruh nogironligi bo‘lgan hamda oilasida mehnatga layoqatli shaxslar mavjud bo‘lmagan fuqarolarning uy-joylarini energiya tejamkorlik asosida ta’mirlash uchun mablag‘ ajratilgan.

O‘rganish jarayonida ajratilgan mablag‘larning belgilangan maqsadlarda sarflanishi, qurilish-ta’mirlash ishlarining sifati va muddatlariga rioya etilishi hamda fuqarolar uchun yaratilayotgan sharoitlar ko‘zdan kechirildi.

🔰Bizni ijtimoiy tarmoqlarda kuzating:

Telegram (https://t.me/Payariqkengashkotibiyati) | Veb-Sayt| (https://kengash.gov.uz/news?region_id=7&authority_id=377) Facebook (https://www.facebook.com/share/1CUpgvKLYL/)|instagram (https://www.instagram.com/xalq_deputatlari_kengash/)