Халқ депутатлари Миробод туман Кенгаши депутати Г.Кулматова томонидан Ўзбекистон маҳаллалар уюшмаси туман бўлими бошлиғи М.Аҳмаджановга депутатлик сўрови юборилди.

Масала моҳияти️; Ҳозирги кунда тумандаги “Заминобод” маҳалла фуқаролар йиғини ўзининг шахсий биносига эга эмас. Бу эса маҳалла раиси ва “еттилик” тизими вакилларининг тўлиқ қувватда фаолият юритиши ҳамда аҳолига сифатли хизмат кўрсатишига халақит бермоқда.

Сўровда қуйидаги масалаларга аниқлик киритиш сўралган❓❓❓

✔️ Маҳалла идорасининг янги биноси қаерда барпо этилади?

✔️ Қурилиш ишлари қачон бошланади?

✔️ Бино қайси муддатда фойдаланишга топширилади?

Депутат ушбу масалани қонун доирасида назоратга олган бўлиб, “еттилик” вакиллари учун муносиб иш шароитлари яратилиши бўйича аниқ маълумотлар тақдим этилишини кутмоқда.