Xalq deputatlari tuman Kengashi deputati A.Bo‘tayev tomonidan “Navro‘z” mahallasida joylashgan 46-sonli umumta’lim maktabida ta’lim sifatini oshirish, o‘quvchilar uchun yaratilgan shart-sharoitlarni yaxshilash hamda mavjud muammolarni o‘rganish maqsadida o‘rganish ishlari olib borildi.

O‘rganish davomida maktabdagi o‘quv jarayonining tashkil etilishi, o‘qituvchilarning malaka darajasi, darslarning sifatli o‘tilishi, o‘quvchilarning fanlarga qiziqishini oshirish borasida amalga oshirilayotgan ishlar atroflicha tahlil qilindi. Shuningdek, maktabning moddiy-texnik bazasi, sinfxonalar holati, ichimlik suvi ta’minoti hamda sanitariya-gigiyena sharoitlari ko‘zdan kechirildi.

Shu bilan birga, o‘quvchilarning bo‘sh vaqtini mazmunli tashkil etish, sport va to‘garaklar faoliyatini kengaytirish, iqtidorli yoshlarni qo‘llab-quvvatlash masalalariga ham alohida e’tibor qaratildi.