O‘rganish jarayonida yoshlar yetakchisi tomonidan yoshlar bandligini ta’minlash, ularning bo‘sh vaqtini mazmunli tashkil etish, tadbirkorlikka jalb qilish hamda ijtimoiy qo‘llab-quvvatlash borasida amalga oshirilayotgan ishlar ko‘zdan kechirildi. Shuningdek, hokim yordamchisi tomonidan aholi bandligini oshirish, kambag‘allikni qisqartirish, subsidiya va imtiyozlar asosida fuqarolarni qo‘llab-quvvatlash yo‘nalishida olib borilayotgan ishlar tahlil qilindi.

Deputat hudud aholisi, xususan saylovchilar bilan uchrashib, ular uchun yaratilgan imkoniyatlar, mavjud sharoitlar hamda joylarda uchrayotgan muammo va kamchiliklar yuzasidan ochiq muloqot o‘tkazdi. Suhbat davomida fuqarolar tomonidan bir qator taklif va murojaatlar bildirildi.

Aniqlangan kamchiliklarni bartaraf etish, mavjud imkoniyatlardan samarali foydalanish hamda hududda olib borilayotgan ishlar samaradorligini oshirish yuzasidan tegishli tavsiyalar berildi.

Shu bilan birga, ko‘tarilgan masalalar tuman Kengashining tegishli doimiy komissiyalari muhokamasiga kiritilishi hamda ularning ijrosi ustidan deputatlik nazorati o‘rnatilishi ta’kidlandi.