📌 Xalq deputatlari Sherobod tuman Kengashi doimiy komissiyasining qo‘shma majlisi bo‘lib o‘tdi.

Xalq deputatlari Sherobod tumani Kengashining yettinchi chaqiriq yigirma uchinchi sessiyasi kun tartibiga kiritilgan masalalar yuzasidan doimiy komissiyalarning qo‘shma majlisi tashkil etildi.

📝 Majlis davomida quyidagi masalalar ko‘rib chiqildi:

— Budjetdan tashqari Pensiya jamg‘armasi tuman bo‘limining 2025-yilda amalga oshirgan ishlari hamda 2026-yil uchun belgilangan ustuvor vazifalar yuzasidan bo‘lim boshlig‘i E. Tangriyevning hisoboti tinglandi.

— O‘zbekiston Respublikasi Prezidentining 2019-yil 17-yanvardagi PF-5633-sonli Farmoni ijrosi doirasida tuman tashkilotlari rahbarlarining aholi murojaatlari bilan ishlash holati yuzasidan Prezidentning Sherobod tumanidagi Xalq qabulxonasi yetakchi mutaxassisi J. Jo‘rayevning axboroti eshitildi.

✅ Ko‘rib chiqilgan masalalar yuzasidan tegishli qarorlar qabul qilindi hamda mas’ullarga aniq vazifalar belgilab berildi.