O‘zbekiston Respublikasi Prezidentining 2026-yil 16-apreldagi “9-may – Xotira va qadrlash kuniga tayyorgarlik ko‘rish va uni o‘tkazish chora-tadbirlari to‘g‘risida” PQ-139-son qarori ijrosini ta’minlash maqsadida Paxtakor tuman ixtisoslashtirilgan maktabida “Uch avlod uchrashuvi” madaniy-ma’rifiy tadbiri tashkil etildi.

Ushbu tadbirda Xalq deputatlari Paxtakor tumani Kengashi deputati Ulug‘murodov Sarvar ham qatnashib, so‘zga chiqdi. U o‘z nutqida yoshlarni Vatanga sadoqat ruhida tarbiyalash, tarixiy xotirani asrab-avaylash va katta avlod vakillarining hayotiy tajribasidan o‘rnak olish muhimligini ta’kidladi.

Mazkur tadbir yoshlarni harbiy-vatanparvarlik ruhida tarbiyalashga qaratilgan bo‘lib, ularda Vatanga muhabbat va sadoqat tuyg‘ularini mustahkamlash, har tomonlama yetuk shaxslar etib kamol toptirishga xizmat qildi.