8-Lutfiy okrugi deputati Xidiyatulina Rima Rashitovna tomonidan saylov okrugida amalga oshirilgan tashrif doirasida hududning ijtimoiy-iqtisodiy holati batafsil tahlil qilindi. 

Tahlil natijalariga ko‘ra, mahallada oliy ma’lumotga ega bo‘lgan, biroq bandligi ta’minlanmagan yoshlar mavjudligi ustuvor muammolardan biri sifatida e’tirof etildi.

Mazkur holat yuzasidan deputat “Yoshlarga oid davlat siyosati to‘g‘risida”gi Qonun hamda 2021-yil 20-apreldagi yoshlar bandligi va tadbirkorligini qo‘llab-quvvatlash farmoni talablaridan kelib chiqib, tuman Yoshlar ishlari agentligi ishtirokida masalani atroflicha muhokama qildi.

Muhokamalar jarayonida oliy ma’lumotli ishsiz yoshlarni mutaxassisligi bo‘yicha ishga joylashtirish, mavjud bo‘sh ish o‘rinlari bazasini kengaytirish, ish beruvchilar bilan o‘zaro hamkorlikni mustahkamlash hamda aniq va manzilli choralarni ishlab chiqish yuzasidan takliflar ilgari surildi.