Kosonsoy tumanida maktabgacha ta’lim tizimidagi muammolar o‘rganildi

🌐 Xalq deputatlari Kosonsoy tuman Kengashining 10-Ravot saylov okrugi deputati Barotova Marhabo tomonidan O‘zbekiston Respublikasi Prezidentining PF–71-son Farmoni ijrosi doirasida hududdagi nodavlat maktabgacha ta’lim muassasalari faoliyati atroflicha o‘rganildi.

✏️ Xususan, “Quvonch” nomli xususiy maktabgacha ta’lim muassasasida olib borilgan o‘rganishlar davomida bir qator muammolar aniqlangan.

 Jumladan:

-ta’lim sifati va tarbiyaviy jarayonni tashkil etishda ayrim kamchiliklar mavjudligi,

moddiy-texnik baza yetarli darajada shakllantirilmaganligi,

bolalar uchun yaratilgan sharoitlarni yanada yaxshilash zarurligi,

pedagog kadrlarning malakasini oshirish masalalari dolzarb ekani qayd etildi.

📊 O‘rganish jarayonida muassasa rahbariyati va xodimlari bilan ochiq muloqot o‘tkazilib, mavjud muammolarni bartaraf etish bo‘yicha aniq taklif va tavsiyalar berildi.

📝 Shuningdek, aniqlangan kamchiliklarni qisqa muddatlarda bartaraf etish yuzasidan tegishli tashkilotlarga deputatlik nazorati tartibida so‘rovlar kiritilishi belgilandi.

✅ Mazkur o‘rganishlar maktabgacha ta’lim tizimida sifatni oshirish, bolalar uchun yanada qulay va xavfsiz muhit yaratish hamda davlat siyosatida belgilangan ustuvor vazifalarni ta’minlashga xizmat qiladi.