Xalq deputatlari Mirzo Ulug‘bek tumani Kengashi “Sayram” okrugi deputati Shomaxmudov Shoanvar Shomuxtorovich tuman Kambag‘allikni qisqartirish va bandlikka ko‘maklashish bo‘limi bilan hamkorlikda tashkil etilgan mehnat yarmarkasida ishtirok etdi. 

Ushbu tadbir mahallalardagi ishsiz va band bo‘lmagan fuqarolar, nogironligi bo‘lgan shaxslar, ayniqsa, xotin-qizlar va yoshlarning bandligiga ko‘maklashish, ularni mehnat bozoridagi kasblarga yo‘naltirish maqsadida o‘tkazildi. 

Mehnat yarmarkasida 20 nafarga yaqin fuqaro o‘zlariga mos bo‘lgan ish o‘rinlari bilan tanishdi. 4 nafar fuqaroni ishga joylashtirish maqsadida korxona-tashkilotlarga yo‘llanmalar berildi. Bundan tashqari, 5 nafar fuqaroga kasbga tayyorlash uchun vaucherlar taqdim etildi.