Uzumchi mahallasini turizm markaziga aylantirish
bo‘yicha ishlar o‘rganildi 

Xalq deputatlari tuman Kengashi kotibiyati bosh mutaxassisi A. Jumayev tomonidan 12-Chinortagi saylov okrugi deputati Boymatov Isaqjon Jalilovich tashabbusi asosida Uzumchi mahalla fuqarolar yig‘inini turizm markaziga aylantirish borasida olib borilayotgan ishlar joyiga chiqib o‘rganildi. O‘rganish jarayonida hududning mavjud imkoniyatlari, infratuzilma holati hamda istiqbolda amalga oshirilishi rejalashtirilgan loyihalar bilan yaqindan tanishildi.
Jumladan, Uzumchi MFYda agrar turizmni rivojlantirish maqsadida zamonaviy turizm obyektlari, mehmonxona, uzumchilikka ixtisoslashgan o‘quv markazi, savdo do‘koni hamda xorijiy tillarni o‘rgatish markazini barpo etish rejalashtirilgan. Mazkur
loyihalar hudud iqtisodiyotini rivojlantirish, turizm salohiyatini oshirish va aholi, ayniqsa yoshlar bandligini ta’minlashda muhim ahamiyat kasb etadi. Rejalashtirilgan ishlar amalga oshirilishi natijasida kamida 50 nafar yoshning doimiy ish bilan ta’minlanishi kutilmoqda. Shuningdek, ushbu tashabbuslar orqali mahallaning investitsion jozibadorligi oshadi, xizmat ko‘rsatish sohasi kengayadi hamda zamonaviy turizm infratuzilmasi shakllantiriladi. Natijada Uzumchi mahallasi nafaqat tuman, balki hududiy
miqyosda muhim turizm maskaniga aylanishi kutilmoqda.