Xalq deputatlari Ishtixon tuman Kengashi deputati F.Abdurazzoqov tomonidan O‘RQ-397-son Qonuni ijrosi yuzasidan Ishtixon tumani hududida o‘rganish ishlari olib borildi.

🔹 O‘rganish natijalariga ko‘ra, davlat veterinariya xizmati quyidagi vazifalarni amalga oshirmoqda:

Epizootik monitoringni muntazam olib borish.

Hayvonlar kasalliklarining sabablari va nobud bo‘lishini tahlil qilib, profilaktika va davolash bo‘yicha tavsiyalar ishlab chiqish.

Veterinariya nazoratini amalga oshirish, jumladan:

Hayvonlarning yuqumli kasalliklarini O‘zbekiston hududiga kirishdan muhofaza qilish.

Hayvonlar, mahsulotlar, veterinariya vositalari, ozuqa va qo‘shimchalarni tayyorlash, tashish, eksport va import qilish.

Mahsulot va xom ashyoni veterinariya-sanitariya qoidalariga muvofiq ishlab chiqarish.

Yuqumli kasalliklarning oldini olish va ularni tugatishga qaratilgan chora-tadbirlar.

Sog‘liqni saqlash va boshqa organlar bilan hamkorlikda hayvon va odam uchun xavfli kasalliklar o‘choqlarini tugatish, axborot almashish.

Chorvachilik obyektlari, kushxonalar, mahsulotlarni qayta ishlovchi korxonalar, savdo shoxobchalari va omborlarning veterinariya-sanitariya holatini nazorat qilish, yangi obyektlarni qurish, rekonstruksiya va yer qazish ishlarida veterinariya ekspertizasini o‘tkazish.

Hayvon kasalliklari, ozuqa va ichimlik suvining sifatini laboratoriya tekshiruvlari orqali baholash.

Majburiy talablar ijrosi va xususiy veterinariya faoliyatini nazorat qilish.

📌 Xulosa: Ishtixon tumanida veterinariya xizmatlarining tayyorgarlik holati va qonun ijrosi umumiy jihatdan ta’minlangan. Shu bilan birga, ayrim yo‘nalishlarda nazoratni kuchaytirish, sanitariya qoidalariga to‘liq rioya qilinishini ta’minlash va profilaktik ishlar samaradorligini oshirish dolzarb vazifa sifatida qolmoqda.