Xalq deputatlari Ishtixon tuman Kengashi deputati J.Mavlyanov tomonidan Toytuyoq mahallasida hokim yordamchilari faoliyati, xususan aholini kambag‘allikdan chiqarish borasida amalga oshirilayotgan ishlar samaradorligi joyiga chiqib o‘rganildi.

🔍 O‘rganishlar davomida hokim yordamchisi Qo‘chqorov G‘ulom tomonidan joriy yil davomida amalga oshirilgan ishlar qoniqarli darajada ekani qayd etildi.

📌 Jumladan, 49 ta oilani kambag‘allikdan chiqarish dasturi doirasida manzilli ishlar olib borilib, 3 ta oilada oilaviy tadbirkorlik yo‘lga qo‘yildi, 7 nafar fuqaro doimiy ish o‘rinlariga joylashtirildi hamda 20 nafar fuqaro o‘zini o‘zi band qilish orqali “Biznesga birinchi qadam” loyihasi asosida kredit olib, daromad manbaiga ega bo‘ldi.

💬 Mazkur natijalar hududda kambag‘allikni qisqartirish, aholi bandligini ta’minlash va tadbirkorlikni rivojlantirish borasida tizimli ishlar olib borilayotganini ko‘rsatmoqda.

📈 Shu bilan birga, o‘rganish jarayonida mavjud imkoniyatlardan yanada kengroq foydalanish, aholining tadbirkorlik tashabbuslarini qo‘llab-quvvatlash hamda manzilli ishlashni kuchaytirish zarurligi ta’kidlandi.

📌 Deputat tomonidan ushbu yo‘nalishdagi ishlar samaradorligini yanada oshirish yuzasidan tegishli tavsiyalar berilib, masala nazoratga olindi.

✅ Aholini kambag‘allikdan chiqarish — bu nafaqat iqtisodiy, balki ijtimoiy barqarorlikni ta’minlashning muhim omili hisoblanadi.