#Deputat_sorovi

Yo‘l muammolari yuzasidan Samarqand shahar hokimligiga deputat so‘rovi yuborildi

Xalq deputatlari Samarqand viloyati Kengashi 4-Mustaqillik saylov okrugidan saylangan, O‘zbekiston Liberal-demokratik partiyasi (O‘zLiDeP) a’zosi Qudratov Shoxrux Odil o'g'li tomonidan deputatlik so‘rovi chiqarildi.

✅4-Mustaqillik saylov okrugi hududida joylashgan Chaqar mahallasi fuqarolari tomonidan hudud infratuzilmasini yaxshilash bilan bog‘liq qator murojaatlar kelib tushmoqda.

✅Xususan, mahalla hududidagi ichki ko‘chalarning yo‘l qoplamasi yaroqsiz holga kelib qolgan, ayrim joylarda esa umuman asfalt qoplamasi mavjud emasligi aholining haqli e’tirozlariga sabab bo‘lmoqda.

✅Ayniqsa, Chaqar mahallasining Mo‘minova hamda Termiz ko‘chalarida joylashgan ichki yo‘llarning qariyb 1 km qismi ta’mirtalab holatda bo‘lib, ularni asfaltlashtirish zarurati mavjud.

👍Mazkur holat fuqarolarning kundalik harakatlanishi va transport qatnoviga jiddiy noqulaylik tug‘dirib, ayniqsa yog‘ingarchilik mavsumida muammoni yanada keskinlashtirmoqda. Shuningdek, bu holat hududning sanitariya holatiga ham salbiy ta’sir ko‘rsatmoqda.

👍Mazkur masala yuzasidan deputat tomonidan tegishli tashkilotlarga rasmiy so‘rov yuborildi. Unda masalani har tomonlama o‘rganish, mavjud muammolarni bartaraf etish bo‘yicha aniq chora-tadbirlar belgilash hamda amalga oshirilgan ishlar yuzasidan ma’lumot taqdim etish so‘ralgan.

👍 Shuningdek, amaldagi qonunchilikka muvofiq, deputat so‘roviga belgilangan muddatlarda javob taqdim etilishi lozimligi eslatib o‘tilgan.Ushbu masalaning ijobiy hal etilishi hudud aholisi va fermer xo‘jaliklari uchun muhim ahamiyat kasb etadi.

✅ @sam_vil_deputatlari 📱Facebook (https://www.facebook.com/profile.php?id=61580580010418)