#24_ta_masala

Kichik biznes — katta imkoniyat: Urgutda pishiriq tsexi xotin-qizlar bandligini ta’minlamoqda

Xalq deputatlari Samarqand viloyati Kengashi deputati Nilufar Jafarova tomonidan Urgut tumanidagi “Kamardon” MFY hududida faoliyat yuritayotgan kichik pishiriq tsexi faoliyati o‘rganildi.

✅ Mazkur tsex kichik hajmda tashkil etilgan bo‘lishiga qaramasdan, mahalliy aholi uchun muhim daromad manbai va bandlik o‘chog‘iga aylangan. Ayniqsa, bu yerda faoliyat olib borayotgan xotin-qizlar uchun nafaqat ish joyi, balki o‘z salohiyatini namoyon etish va oilaviy daromadni oshirish imkonini berayotgan muhim maskan hisoblanadi.

✅ Hozirgi kunda ushbu pishiriq tsexida mahallada istiqomat qiluvchi 20 nafardan ortiq xotin-qizlar mehnat qilmoqda. Ular turli xil pishiriqlar tayyorlab, ichki bozorda o‘z o‘rniga ega bo‘lib bormoqda.

👍 O‘rganish jarayonida mazkur faoliyat ijobiy baholanib, bunday kichik biznes subyektlarini qo‘llab-quvvatlash, ularning faoliyatini kengaytirish hamda yangi ish o‘rinlari yaratishni rag‘batlantirish zarurligi ta’kidlandi.

👍 Bunday tashabbuslar hududlarda xotin-qizlar bandligini ta’minlash, tadbirkorlikni rivojlantirish hamda mahalliy iqtisodiyotni mustahkamlashda muhim ahamiyat kasb etadi.

✅ @sam_vil_deputatlari