#24_ta_masala

Samarqand viloyati Urgut tumani “Uzun” mahalla fuqarolar yig‘inida ekologik barqarorlikni ta’minlash va hududni yanada obodonlashtirishga qaratilgan muhim tashabbus amalga oshirildi. Xalq deputatlari Samarqand viloyat kengashi deputati Himmat Oqbo‘tayev tashabbusi bilan tashkil etilgan ushbu tadbir “Yashil makon” umumxalq loyihasi hamda “Obod yurt mahalladan boshlanadi” shiori ostida o‘tkazildi.

✨Mazkur umumxalq xayriya hashari doirasida mahalla aholisi, yoshlar, nuroniylar va faollar bir yoqadan bosh chiqarib, hududni ko‘kalamzorlashtirish ishlarida faol ishtirok etdilar. Natijada 100 tupdan ortiq mevali daraxtlar hamda 100 tup manzarali daraxt ko‘chatlari ekilib, mahalla hududining ekologik muhiti yaxshilanishiga munosib hissa qo‘shildi.

✅Tadbir davomida nafaqat daraxt ekish, balki hududni tozalash, obodonlashtirish va aholi o‘rtasida ekologik madaniyatni yuksaltirishga alohida e’tibor qaratildi. Bu kabi tashabbuslar fuqarolarda tabiatga mehr va mas’uliyat hissini oshirish bilan birga, kelajak avlod uchun sog‘lom va yashil muhit yaratishga xizmat qilmoqda.

✅Shu bilan birga, bunday xayrli ishlar mahallalarda ijtimoiy birdamlikni mustahkamlab, “mahalladan boshlanadigan obodlik” g‘oyasining amalda o‘z ifodasini topayotganini ko‘rsatmoqda. Urgut tumanidagi mazkur tashabbus esa boshqa hududlar uchun ham ibrat bo‘ladigan namuna sifatida e’tirof etilmoqda.

✅@sam_vil_deputatlari