Mahallada muloqot: bandlik, islohot va faollik masalalari

Xalq deputatlari Samarqand viloyati Kengashi deputati Ziyoda Ishmurodova ish rejasiga muvofiq Pastdarg‘om tumanidagi Torariq, Jovulqosim, Po‘latchi, Yangiobod, Katta Nayman hamda Kichik Nayman mahallalarida mahalla faollari, xotin-qizlar va fuqarolar ishtirokida ochiq muloqot tashkil etdi.

✅ Muloqotda deputat mamlakatda amalga oshirilayotgan islohotlar, xotin-qizlarni qo‘llab-quvvatlashga qaratilgan chora-tadbirlar, kasb-hunarga o‘rgatish va tadbirkorlikka jalb etish orqali bandlikni ta’minlash masalalariga alohida to‘xtaldi.

✅ Shuningdek, sog‘lom turmush tarzini targ‘ib qilish, mahallalarda faollikni oshirish, tashabbuskor ayollarni ijtimoiy hayotga jalb etish zarurligi ta’kidlandi.

✅ Uchrashuvda Prezidentimiz Murojaatnomasida belgilangan ustuvor yo‘nalishlar, xususan, 2026-yilning “Mahallani rivojlantirish va jamiyatni yuksaltirish yili” deb e’lon qilingani mahalla institutini qo‘llab-quvvatlashda yangi bosqich boshlab bergani qayd etildi.

✅ Uchrashuv ochiq muloqot ruhida o‘tib, fuqarolarga deputatlik faoliyati, mahalliy darajadagi muammolarni hal etish mexanizmlari haqida tushunchalar berildi, mahalla ahli o‘zlarini qiziqtirgan savollarga atroflicha javob oldilar.

📌 Bunday muloqotlar mahallalarda islohotlar mazmun-mohiyatini keng targ‘ib qilish, fuqarolarning siyosiy-huquqiy ongi va ijtimoiy faolligini oshirishga xizmat qilmoqda.

✅ @sam_vil_deputatlari