🔹Xalq deputatlari Bo‘stonliq tumani Kengashining 2026-yil aprel oyiga mo‘ljallangan ish rejasiga muvofiq xalq deputatlari Bo‘stonliq tumani Kengashi deputati S.Madjitov hamda kotibiyat xodimi N.Kurganova tomonlaridan tuman G‘aznachilik xizmati bosh mutaxassisi N.Dehkanov ishtirokida tuman Obodonlashtirish boshqarmasida “Davlat xaridlari to‘g‘risida”gi Qonuniga rioya etilishi yuzasidan o‘rganish o‘tkazdilar.

🔹O‘rganish davomida Obodonlashtirish boshqarmasining bosh hisobchisi M.G‘afurova korxona tomonidan tovar va xizmatlar xarid qilishda amalga oshirilayotgan ishlar bo‘yicha tushuntirishlar berdi.

🔹Deputаt tomonidan xaridlarning asosiy prinsiplaridan: kasbiy mahorat va mas’uliyatlilik, moliyaviy mablag‘lardan foydalanishning oqilonaligi, tejamkorligi va samaradorligi, ochiqlik va shaffoflik, korrupsiyaga yo‘l qo‘ymaslik bo‘yicha e’tibor berilayotgan asosiy omillar haqida savol-javoblar o‘tkazildi.

🔹Tahlillarga ko‘ra, Qonunning 33-moddasiga muvofiq tovar va xizmatlar xaridlari ular qiymati bozor narxlariga muvofiqligi ochiq axborot manbalaridagi axborotlar yoki boshqa ishonchli manbalar orqali tekshirilmasdan, muntazam ravishda “https://cooperation.uz/” portali orqali amalga oshirilayotganligi aniqlandi.

🔹O‘rganish yakunida deputat tomonidan korxona rahbari A.Rixsitillayevga barcha tegishli mas’ullarni Qonun bilan qayta tanishtirish hamda aniqlangan kamchiliklarni qisqa muddatlarda bartaraf etish bo‘yicha tavsiyalar berildi.