Joriy yilning 2-aprel kuni 14-Bahor saylov okrugidan saylangan deputat X.Tolibov, xalq deputatlari shahar Kengashi kotibiyat mudiri E.Davlatov hamda bosh mutaxassis M.Xudoyberdiyevalar shaharda aholi bandligini ta’minlash bo‘yicha olib borilayotgan ishlar holatini o‘rganishdi. O‘rganish natijasida joriy yilning 3 oyi davomida bo‘lim tomonidan jami 257 nafar fuqaroga xizmat koʻrsatilganligi, 152 nafari doimiy ishga joylashtirilganligi, 59 nafar fuqaro 6 ta yo‘nilish asosida kasb-hunarga qayta oʻqitilayotganligi, 6 marotaba boʻsh ish oʻrinlari mehnat yarmarkasi oʻtkazilganligi, 139 nafar fuqaroning doimiy bandligi taʼminlanganligi aniqlandi. Shuningdek shaharda 2 116 ta yangi ish o‘rni yaratilishi belgilangan bo‘lib, amalda 3 661 ta yangi ish o‘rni yaratilib ish.mehnat.uz platformasiga kiritilgan. Deputatlar tomonidan 2026-yilda aholini daromadli mehnat bilan band qilish bo‘yicha maqsadli ko‘rsatkichlarni ijrosini ta’minlash bo‘yicha tegishli tavsiyalar berib o‘tishdi.