Xalq deputatlari Angor tumani Kengashining 2-Xo‘jaqiya saylov okrugi deputati O‘zbekiston Liberal-demokratik partiyasi a’zosi Ravshan Jovliyev, o‘z hududidagi Yuqori Tallashqon mahallasi hokim yordamchisi bilan suhbat o'tkazdi. Suhbat jarayonida mahallada aholini qo‘llab-quvvatlash, ularning bandligini ta’minlash va tadbirkorlik faoliyatini rivojlantirish borasida tizimli ishlar amalga oshirilyotganiga toʻgʻrisida fikr almashildi. Xususan, hokim yordamchisi tomonidan 2026 -yilning 1-choragi davomida 22 nafar fuqaroga subsidiya asosida tikuv mashinalari, 3 nafar fuqaroga ssuda asosida moddiy yordam, 10 nafar fuqaroga imtiyozli kreditlar ajratilib, ular chorvachilik va dehqonchilik faoliyatini yo‘lga qo‘yish imkoniyatiga ega bo‘ldilar. Jumladan, ssuda asosida tikuv mashinasiga ega bo‘lgan Bozorova Gulhayo bugungi kunda tikuvchilik faoliyatini muvaffaqiyatli yo‘lga qo‘ygan. U o‘z faoliyatini kengaytirib, shogirdlar tayyorlash orqali mahallada bandlikni ta’minlashga ham munosib hissa qo‘shmoqda. Bu kabi amaliy ishlar mahallada ijtimoiy-iqtisodiy barqarorlikni mustahkamlash, aholi turmush darajasini oshirish hamda tadbirkorlik muhitini rivojlantirishga xizmat qilmoqda.