Sog‘liqni saqlash tizimida korrupsiyaga qarshi kurashish masalalari muhokama qilindi

🔘Xalq deputatlari Qiziriq tumani Kengashining Korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha hamda Ijtimoiy soha, yoshlar siyosati, madaniyat va sport masalalari bo‘yicha doimiy komissiyalari tomonidan tuman tibbiyot birlashmasi va sog‘liqni saqlash muassasalarida korrupsiyaga qarshi kurashish yo‘nalishida amalga oshirilgan ishlar o‘rganildi.

🔵Mazkur o‘rganishlar yakunlari yuzasidan tuman Kengashi kotibiyati mudiri K.Muhammadiyev, tibbiyot birlashmasi bosh vrachi A. Sobirov hamda birlashma shifokorlari ishtirokida tanqidiy-tahliliy muhokama yig‘ilishi o‘tkazildi.

🔵Yig‘ilish davomida sohada mavjud holat atroflicha tahlil qilinib, aniqlangan kamchilik va muammolar yuzasidan mas’ullarga aniq vazifalar belgilab berildi. Shuningdek, korrupsion holatlarning oldini olish, ochiqlik va shaffoflikni ta’minlash, aholiga ko‘rsatilayotgan tibbiy xizmatlar sifatini yanada oshirish bo‘yicha zarur chora-tadbirlar ishlab chiqildi.

Yakunida mazkur masalani Kengash sessiyasi kun tartibiga kiritish hamda tizimli nazoratni kuchaytirish yuzasidan tegishli takliflar ilgari surildi.

Qiziriq tumani Kengashi Axborot xizmati 

Rasmiy sahifalarimiz👇

Telegram (https://t.me/+h07HeUv_IP44MmUy) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)