Xalq deputatlari Taxiatosh tumani Kengashi deputatlari tomonidan aholi murojaatlari asosida amaliy ishlar davom etmoqda.

📍 Oldin xabar qilinganidek (https://t.me/TaxiatoshtumanKengashi/1214) 2025-yil dekabr oyida “Obod makon” MFY, Berdaq ko‘chasida ichimlik suvi quvurlarining eskirganligi sababli sovuqda yorilishi holati yuzasidan fuqarolar murojaati kelib tushgan. Ushbu muammo O‘zbekiston Xalq demokratik partiyasidan saylangan deputat Abdisadikov Yusupbay Axmedjanovich hamda “Qoraqalpoq suv ta’minoti” Taxiatosh tumani filiali hamkorligida bartaraf etildi.

📊 Keyinchalik 2026-yil 1-mavsum uchun “Obod makon” MFY hududidagi Chimboy, Ramazon, Ozodlik, Qo‘ng‘irotboy baxshi va Berdaq ko‘chalaridagi eski suv tarmoqlarini yangilash loyihasi tashabbusli byudjetga kiritilgan bo‘lsa-da, g‘oliblar qatoriga kiritilmagan edi.

📑 O‘zbekiston Respublikasi Oliy Majlisi Senati Kengashining 2024-yil 30-yanvardagi KQ-666-IV-sonli qarori bilan tasdiqlangan Nizomning 40-bandi ijrosini ta’minlash maqsadida, tuman qo‘shimcha mablag‘lari hisobidan 105 mln so‘m mablag‘ “Fuqarolar tashabbusi jamg‘armasi”ga o‘tkazildi.

⚡️ Shu asosda tuman hokimi Sdikov Islambek Muratbayevich tashabbusi bilan mahalliy byudjetning erkin qoldiq mablag‘lari hisobidan qo‘shimcha mablag‘ ajratilib, mazkur loyihani amalga oshirish choralari ko‘rilmoqda.

🔍 Loyihaning bugungi holati O‘zbekiston Xalq demokratik partiyasidan Xalq deputatlari Taxiatosh tumani Kengashiga saylangan deputat Artikov Davron Omarbaevich, kotibiyat mudiri A.Matniyazov va kotibiyat bosh mutaxassisi D.Xodjanovlar ishtirokida joyiga chiqib o‘rganildi.

📌 O‘rganish natijalariga ko‘ra, ushbu masalani tuman Kengashining navbatdagi sessiyasi muhokamasiga kiritish zarurligi belgilandi.