KORRUPSIYA — RIVOJLANIShGA TO‘SIQ!

Uzun tumanida korrupsiyaga qarshi kurashish shunchaki tadbir emas, balki kundalik vazifaga aylanmoqda. Xalq deputatlari Uzun tuman Kengashi deputatlari hamda soha mutaxassislari ishtirokida Uzun tumani prokurori B.Boymurov va tuman IIB boshlig‘i O‘.Mustafaqulovlarning ushbu yo‘nalishdagi faoliyati ko‘rib chiqildi.

Yig‘ilishning asosiy mavzulari:

Davlat idoralarida ochiqlik va shaffoflikni ta’minlash.

Huquqbuzarliklar profilaktikasining samaradorligi.

Aholi va tadbirkorlar orasida "korrupsiyasiz soha" loyihalarini tatbiq etish.

Deputatlar har bir hisobotni tanqidiy-tahliliy ko‘rib chiqib, tuman prokuraturasi va IIB tizimida korrupsiyani keltirib chiqaruvchi omillarni yo‘qotish bo‘yicha o‘z tavsiyalarini bildirishdi. Xalq vakillari bu borada jamoatchilik nazoratini yanada kuchaytirish zarurligini ta’kidladilar.