Xalq deputatlari Shirin shahar Kengashi deputati Ulug‘bek Normatov shahardagi 1-sonli maktabgacha ta’lim tashkilotida olib borilayotgan qurilish ishlarini o‘rgandi.

Tashrif davomida qurilish jarayonining borishi, bajarilayotgan ishlarning sifati hamda belgilangan muddatlarga muvofiqligi atroflicha ko‘zdan kechirildi. Shuningdek, obyektni zamonaviy talablar asosida barpo etish, bolalar uchun qulay va xavfsiz sharoitlar yaratish masalalariga alohida e’tibor qaratildi.

O‘rganish jarayonida ish sifatini yanada oshirish hamda qurilishni belgilangan muddatlarda yakunlash yuzasidan mas’ullarga tegishli tavsiyalar berildi. 

Mazkur ishlar kelajak avlod uchun munosib ta’lim-tarbiya muhitini yaratishga xizmat qilishi ta’kidlandi.

Bizni ijtimoiy tarmoqlarda kuzating:

Telegram (https://t.me/Shirin_Kengash)