Xalq deputatlari Qibray tumani Kengashi deputati Gulnora To’xtanazarova tomonidan deputatlik so‘rovi yuborildi.

 Deputatlik so‘rovi “Xalq deputatlari viloyat, tuman va shahar Kengashi deputatining maqomi to‘g‘risida”gi O‘zbekiston Respublikasi Qonunining 8-moddasi talablariga muvofiq tarzda tayyorlanib, tumani elektr ta’minoti boshlig‘i Sh. Mamajonov nomiga yo‘naltirildi.

Deputat so'rovida, Olmazor mahalla hududidagi Yangizamon, Yetakchi va Jalayer ko‘chalarida elektr ta’minoti bitta transformator orqali amalga oshirilayotgani, aholi sonining ortib borayotgani sababli elektr energiyasi yetkazib berishda uzilishlar yuzaga kelayotgani va aholi tomonidan e’tirozlar bildirilayotgani sababli, Yangizamon markaziy ko‘chasi hamda Yetakchi va Jalayer ko‘chalarida mavjud yog‘och elektr ustunlarini beton ustunlarga almashtirish zarurati mavjudligi sababli belgilangan tartibda ko‘rib chiqib, ijobiy hal etilshini hamda amalga oshirilgan ishlar yuzasidan belgilangan muddatda yozma ma’lumot taqdim etishni so‘ragan.

Mazkur deputatlik so‘rovi mahalla tizimi faoliyatini qo‘llab-quvvatlash va fuqarolarga qulay ijtimoiy muhit yaratish yo‘lida amalga oshirilayotgan ishlarning yana bir muhim bosqichi sifatida e’tirof etiladi.