Mazkur uchrashuv davomida yoshlarning muammo va takliflari atroflicha tinglanib, ularning bandligi, ta’lim olishi, tadbirkorlik faoliyatini yo‘lga qo‘yishi hamda bo‘sh vaqtlarini mazmunli tashkil etish masalalariga alohida e’tibor qaratildi.

Muloqot jarayonida yoshlar tomonidan ko‘tarilgan ko‘plab masalalar joyida o‘rganilib, ayrim muammolar bo‘yicha tezkor choralar ko‘rildi va ularning yechimi ta’minlandi. Shu bilan birga, qo‘shimcha o‘rganish talab etiladigan masalalar yuzasidan tegishli tashkilotlar va mas’ul rahbarlarga aniq topshiriqlar berilib, ijrosi nazoratga olindi.

Deputat tomonidan yoshlar bilan bunday ochiq muloqotlar ularning muammolarini o‘z vaqtida hal etish, tashabbuslarini qo‘llab-quvvatlash hamda hududda ijtimoiy-iqtisodiy barqarorlikni mustahkamlashda muhim ahamiyat kasb etishi ta’kidlandi.