Investitsiya loyihalari o‘rganildi!

Xalq deputatlari Jondor tumani Kengashi deputatlari faoliyatining eng muhim yo‘nalishlaridan bir bo‘lgan hududdagi investitsiyalar holati yuzasidan, 2026 yilda amalga oshirilishi rejalashtirilgan loyihalar bo‘yicha 23-Ko‘liyon saylov okrugidan saylangan deputat U.Ro‘ziyev hamda Xalq deputatlari Jondor tumani Kengashi kotibiyati mudiri I.Xolovlar tomonidan “Xumdonak” MFY Burjoq qishlog‘ida qurilayotgan yangi oilaviy shifokorlik punkti qurilish-montaj ishlari o‘rganildi. 

Deputatlar o‘rganish davomida olib borilayotgan qurilish-montaj ishlari bilan bir ma-bir tanishib, qurilish ishlarini sifatli tashkil qilish, texnik va mualliflik nazoratini olib borish hamda qurilish ishlari sifatini doimiy nazorat qilish yuzasidan o‘z tavsiyalarini berdilar. 

Loyihani o‘rganish davomida aloqa tizimidagi muammolar yuzasidan O‘zbektelekom AK G‘arbiy filali 5-bog‘lama menejeri O.Isoyev nomiga 26.03.2026 yilda 30-ds-275-26-sonli deputat so‘rovi yuborildi.