Ayni vaqtda Jondor tumanidagi Markaziy o‘yingohda Navro‘z umumxalq bayrami munosabati bilan “Olam nurga to‘lsin sen bilan, Navro‘z!” shiori ostida Navro‘z umumxalq bayrami tantanalari bo‘lib o‘tmoqda. 

Xalq sayli tarzida bo'lib o'tayotgan ushbu bayramda milliy taomlar, urf-odat va an’analarimizni o‘zida mujassam etgan kompozitsiyalar, tumanimiz san’at ustalari, xalq badiiy jamoalari tomonidan konsert dasturlari namoyish qilinmoqda. 

Tantanada Xalq deputatlari Jondor tumani Kengashi deputat, Jondor tuman hokimi Jamshid Xudoyev tumanimiz aholisiga bayram tabrigini yo‘lladi.

Shuningdek, sayil doirasida milliy qadriyatlarimizni tarannum etuvchi o'zbekona milliy o'yinlar, qo'shiq va laparlar ijro etilmoqda. Bayram dasturida folklor san’atining eng sara namunalari, o‘lan-laparlar, badiiy havaskorlik jamoalari o‘z chiqishlarini namoyon qildilar. 

Tadbir mehmoni "Nihol" mukofoti sovrindori Hulkar Abdullayeva tomonidan ijro etilgan qo`shiqlar yig‘ilganlarga olam-olam zavqu shavq ulashdi.