M.Ulug‘bek mahallasida xalq deputatlari Pastdarg‘om tuman Kengashi deputati F.Turayev ishtirokida jinoyatchilikka qarshi profilaktika ishlari o‘rganildi. Tashrif davomida hududdagi mavjud holat, fuqarolar xavfsizligini ta’minlash borasida olib borilayotgan chora-tadbirlar hamda profilaktika inspektorlari faoliyati bilan yaqindan tanishildi.

Shuningdek, mahalla faollari bilan ochiq muloqot o‘tkazilib, aholining muammolari va takliflari tinglandi. Jinoyatchilikning oldini olish, yoshlar o‘rtasida huquqbuzarliklarni kamaytirish, bandlikni ta’minlash kabi muhim masalalarga alohida e’tibor qaratildi.

Deputat tomonidan tegishli mutasaddilarga profilaktika ishlarini yanada kuchaytirish, fuqarolar bilan hamkorlikni mustahkamlash va har bir murojaatga e’tibor bilan yondashish bo‘yicha tavsiyalar berildi.

Mahallada osoyishtalikni saqlash – barchamizning umumiy vazifamizdir.