📌 Deputat va mahalla hamkorligi yuzasidan uchrashuv

Xalq deputatlari Sherobod tumani Kengashining 14-Yoshlik-Nurtepa saylov okrugi deputati N.Himmatova tomonidan “Yoshlik” mahalla fuqarolar yig‘ini yettiligi bilan uchrashuv o‘tkazildi.

Uchrashuvda mahallada amalga oshirilishi lozim bo‘lgan dolzarb masalalar, jumladan aholi bandligini ta’minlash, tomorqa yerlaridan samarali foydalanish, hududni obodonlashtirish, xotin-qizlar muammolari hamda kam ta’minlangan oilalarni ijtimoiy qo‘llab-quvvatlash masalalari muhokama qilindi.

Shuningdek, mahalla yettiligi a’zolari o‘rtasida vazifalar taqsimlanib, bajarilishi lozim bo‘lgan ustuvor yo‘nalishlar belgilab olindi.