Mahalliy Kengashlarning ijtimoiy tarmoqlardagi faoliyatiga bag‘ishlangan seminar-trening bo‘lib o‘tdi. Kuni kecha xalq deputatlari Surxondaryo viloyati Kengashi hamda Demokratik jarayonlarni tahlil qilish markazi Surxondaryo viloyati hududiy bo‘linmasi tomonidan “Mahalliy Kengashlarning ijtimoiy tarmoqlardagi faoliyatini samarali tashkil etish” mavzusida amaliy seminar-trening tashkil etildi. Tadbirda xalq deputatlari Angor tumani Kengashi kotibiyatidan ijtimoiy tarmoqlar uchun ma'sul mutaxassis va viloyat, tuman va shahar Kengashlari kotibiyatlari mudirlari hamda ishtirok etdilar. Seminar ishtirokchilari ijtimoiy tarmoqlarda sifatli kontent yaratish va jamoatchilik fikrini tahlil qilish yuzasidan o‘zaro tajriba almashdilar. Shuningdek, deputatlik faoliyati, sessiyalar va doimiy komissiyalar ishlarini mazmunli hamda tizimli yoritish bo‘yicha amaliy tavsiyalar berild

 Ijtimoiy tarmoqlarda faol va mazmunli ishlash orqali Kengashlar faoliyatini aholiga yaqinlashtirish, ularning ochiqligini ta’minlash hamda fuqarolar ishonchini mustahkamlash muhim ahamiyatga ega ekani ta’kidlandi

 Mazkur trening yakunida mahalliy Kengashlar faoliyatini raqamlashtirish va ijtimoiy tarmoqlarda tizimli yoritish bo‘yicha aniq tavsiyalar ishlab chiqildi.