Xalq deputatlari tuman Kengashi deputati X.Turdiyev tomonidan Sinchi mahallasida joylashgan 115-maktab binosida aholi bilan sayyor qabul tashkil etildi. Qabulda mahalla fuqarolari faol ishtirok etib, o‘zlarini qiziqtirgan masalalar yuzasidan murojaatlar bilan chiqishdi. 

 Sayyor qabul davomida fuqarolar tomonidan mahallada amalga oshirilishi rejalashtirilgan infratuzilma ishlari haqida savollar berildi. Xususan, tuman hokimligi tashabbusi bilan mahalla infratuzilmasini yaxshilash va o‘zgartirish bo‘yicha taklif etilgan loyihalar qachondan amalga oshirilishi haqida qiziqish bildirildi. 

 Deputat tomonidan fuqarolarning barcha savollariga atroflicha javob berilib, bildirilgan taklif va murojaatlar tegishli tartibda o‘rganilishi hamda mutasaddi tashkilotlar bilan hamkorlikda hal etish choralari ko‘rilishi ta’kidlandi. 

 Sayyor qabul davomida kelib tushgan murojaatlar deputat nazoratiga olindi.