Deputat R.Valiyeva Yangi hayot mahallasida aholi bilan uchrashdi.
Xalq deputatlari Qiziltepa tumani Kengashining 4-Oqsoch saylov okrugidan saylangan tuman Kengashi deputati R. Valieva Yangi Hayot mahallasida istiqomat qiluvchi aholi bilan uchrashuv o‘tkazdi.

Uchrashuv davomida hududdagi dolzarb masalalar, ayniqsa, dehqonchilik va bog‘dorchilik bilan shug‘ullanayotgan fuqarolar uchun muhim bo‘lgan masalalar muhokama qilindi.

Xususan, havo haroratining keskin sovib ketishi natijasida mevali daraxtlar va ekinlarga sovuq urishining oldini olish bo‘yicha aholi vakillariga zarur tavsiyalar berildi. 

Deputat tomonidan mevali daraxtlarni sovuqdan himoya qilish, ularni parvarishlash hamda hosilni saqlab qolish bo‘yicha amaliy tavsiyalar taqdim etildi.